वाशीम में भाजपा कोर कमिटी की बैठक, सीट-वार रणनीति पर चर्चा

वाशिम: वाशिम जिल्ह्यातील एक नगरपंचायत आणि चार नगर परिषदेच्या निवडणुकासाठी भाजपकडून पक्षांतर्गत हालचालांना वेग आला आहे.स्थानिक नेत्यांची सलग बैठकांची मालिका सुरू असून,आज जिल्हा वाशिम येथे कोर कमिटीची महत्त्वपूर्ण बैठक पार पडली.या बैठकीत जिल्ह्यातील विविध ठिकाणी निवडणूक लढवण्याच्या रणनीतीवर चर्चा झाली.काही ठिकाणी युतीतून, काही ठिकाणी मैत्रीपूर्ण स्वरूपात तर काही ठिकाणी स्वबळावर निवडणूक लढण्याचा निर्णय घेण्यात येणार असल्याची माहिती भाजपचे स्थानिक स्वराज्य संस्था निवडणूक प्रभारी खासदार अनुप धोत्रे यांनी दिली.धोत्रे यांनी सांगितले की,भाजपमधील कार्यकर्त्यांची निवडणूक लढवण्याची मोठी इच्छा आहे. प्रत्येक कार्यकर्त्याला संधी मिळावी असं सर्वांनाच वाटत असलं तरी, युती व्हावी यासाठी पक्ष आग्रही आहे.वाशिम नगरपालिकेसाठी भाजप स्वबळावर लढणार असल्याच्या चर्चांनाही यावेळी उधाण आलं आहे.त्यामुळे वाशिम नगर परिषदेच्या निवडणुकीत युती होते की भाजप एकट्याने मैदानात उतरणार हे पाहणं आता राजकीय वर्तुळात उत्सुकतेचं ठरणार आहे.या बैठकीला भाजप जिल्हाध्यक्ष चिंतामण चितलागे, खासदार अनुप धोत्रे, जिल्हा निवडणूक प्रमुख राजू पाटील राजे, माजी आमदार विजयराव जाधव, पुरुषोत्तम राजगुरू तसेच कोर कमिटीचे पदाधिकारी उपस्थित होते.