होली-रंगपंचमी की खरीदारी के लिए कल्याण के बाजारों में ग्राहक जमघट

कल्याणच्या बाजारपेठांमध्ये होळी आणि रंगपंचमी निमित्त नागरिकांची खरेदीची लगबग ANC- होळी आणि रंगपंचमीच्या पार्श्वभूमीवर कल्याण शहरातील छत्रपती शिवाजी महाराज चौकातील बाजारपेठे ग्राहकांनी फुलून गेल्या आहेत. धुलिवंदन आणि रंगपंचमीसाठी लागणारे साहित्य खरेदी करण्यासाठी नागरिक मोठ्या संख्येने बाजारात दाखल झाले आहेत. होळी सणासाठी लागणारे एम गौऱ्या, पेंढा तसेच पूजा साहित्य खरेदीसाठी नागरिकांची विशेष गर्दी पाहायला मिळत आहे. तर रंगपंचमीसाठी लहान मुलांमध्ये पिचकारी, रंगीबेरंगी बंदुका आणि विविध प्रकारचे रंग घेण्याचा उत्साह दिसून येत आहे. कल्याणमधील छत्रपती शिवाजी महाराज चौक परिसरातील बाजारपेठेत दिवसभर ग्राहकांची वर्दळ कायम होती. आज रविवारची सुट्टी असल्याने खरेदीसाठी आलेल्या नागरिकांची संख्या आणखी वाढल्याचे चित्र दिसून आले. लहान मुलांसोबत त्यांचे पालकही खरेदीसाठी मोठ्या उत्साहात बाजारात फिरताना दिसत होते. विविध रंगांच्या पिचकार्‍या, हर्बल रंग आणि आकर्षक खेळण्यांच्या स्टॉल्सना विशेष प्रतिसाद मिळत आहे.