नवी मुंबई महापालिका की पहली महासभा विवादों के साथ सम्पन्न

नवी मुंबई महानगरपालिकेची पहिलीच महासभा मोठ्या गोंधळात पार पडली. सत्ताधारी भाजपने स्थापित केलेल्या तदर्थ समिती वरून विरोधी पक्ष चांगलाच आक्रमक झालेला पाहायला मिळाला. कोरोना काळात प्रशासकीय कार्यकाळात नगररचना, आरोग्य आणि अभियांत्रिकी विभाग तसेच या विभागा व्यतिरिक्त इतर विभागाने केलेल्या कामांची इतंभूत माहिती मिळवून त्यात कोणी दोषी आढळल्यास त्यांच्यावर कारवाई करण्याच्या दृष्टीने या समितींची स्थापना करण्यात आलेय. मात्र महासभेतील ठरावावर देखिल एक तदर्थ समिती स्थापन करण्यात आली असून ही समिती म्हणजे आयुक्त आणि सर्व सदस्यांच्या हक्कावर गदा आणण्याचा प्रकार असून वेळ पडल्यास या समिती विरोधात शासनाकडे दाद मागणार असल्याची प्रतिक्रिया विरोधीपक्ष नेते विजय चौगुले यांनी व्यक्त केलेय. तर प्रशासकीय कार्यकाळातील माहिती नवी मुंबईकर जनतेला कळावी आणि दोषींवर कारवाई करण्यासाठी या समित्या असून महासभेचे कामकाज सुरळीत चालावे यासाठी तदर्थ समिती स्थापन केली असल्याची प्रतिक्रिया महापौर सुजाता पाटील यांनी व्यक्त केलेय.