शिंदे के भाषण से शिवसेना-राष्ट्रवादी गुट में खलबली, नरखेड में उम्मीदवारों पर विरोध

सोलापूर ब्रेकिंग - शिवसेनेच्या चिन्हावर उभ्या असलेल्या उमेदवाराला मत देऊ नका, तर आघाडीचा धर्म पाळा, उपमुख्यमंत्री एकनाथ शिंदे यांच्या वक्तव्याने एकच खळबळ मोहोळ तालुक्यातील नरखेड पंचायत समिती निवडणुकदरम्यान शिवसेना-राष्ट्रवादी युतीमध्ये गोंधळ निर्माण झालाय. शिवसेनेच्या चिन्हावर उभ्या असलेल्या उमेदवाराला मत देऊ नका, तर आघाडीचा धर्म पाळा, असं जाहीर सभेतून थेट उपमुख्यमंत्री एकनाथ शिंदे यांनीच आवाहन केल्यामुळे राजकीय वर्तुळात खळबळ उडाली आहे. मोहोळ तालुक्यात शिवसेना आणि राष्ट्रवादी अजित पवार गटाची युती असली तरी नरखेड पंचायत समिती गणातून शिवसेनेकडून ज्योत्स्ना पाटील यांना, तर राष्ट्रवादी अजित पवार गटाकडून प्रगती दगडे यांना उमेदवारी देण्यात आलीय. युती असताना देखील एकाच गणातून दोन उमेदवार उभे राहिल्याने आधीपासूनच संभ्रमाची स्थिती होती. त्यात काल झालेल्या प्रचार सभेदरम्यान उपमुख्यमंत्री एकनाथ शिंदे भाषण करत असताना शिवसेनेचे स्थानिक नेते संतोष पाटील यांनी त्यांना एक चिठ्ठी दिली. ती चिठ्ठी वाचल्यानंतर, “नरखेड गटात ज्योत्स्ना पाटील या आपल्या उमेदवार नाहीत, येथे आघाडीचा धर्म पाळावा,” असं वक्तव्य त्यांनी मंचावरून केल्याचं समोर आलंय. चिन्हावर उभ्या असलेल्या उमेदवारालाच मतदान करू नका असं एकनाथ शिंदे यांनी सांगितल्याने राजकीय वर्तुळात प्रचंड चर्चा रंगतेय.