नगर परिषद चुनाव: पूर्व मंत्री व पूर्व सांसद के बच्चों को उम्मीदवार घोषित

नगरपरिषद निवडणुकीत माजी मंत्री व माजी आमदारांच्या मुलांना उमेदवारी देण्यात आली आहे. सांगली जिल्ह्यातल्या नगरपरिषदा निवडणुकांमध्ये माजी मंत्री व माजी आमदारांच्या सुपुत्रांना उमेदवारी देण्यात आली आहे. उरुण ईश्वरपूर आणि आष्टा नगरपरिषदेच्या नगराध्यक्ष पदासाठी उमेदवारी देण्यात आली आहे. ईश्वरपूर नगरपरिषद नगराध्यक्ष पदाच्या निवडणुकीमध्ये माजी मंत्री अण्णासाहेब डांगे यांचे सुपुत्र विश्वनाथ डांगे यांना महायुतीमधून भाजपकडून उमेदवारी देण्यात आली आहे. त्याच बरोबर आष्टा नगरपरिषदेच्या नगराध्यक्ष निवडणुकीमध्ये राष्ट्रवादी शरद पवार गटाकडून माजी आमदारांच्या मुलाला उमेदवारी देण्यात आली आहे. राष्ट्रवादी शरद पवार गटाचे माजी आमदार स्वर्गीय विलासराव शिंदे यांचे सुपुत्र विशाल शिंदे यांना नगराध्यक्ष पदाची उमेदवारी देण्यात आली आहे. तर शिरळा नगरपंचायतीच्या नगराध्यक्ष पदाच्या निवडणुकीमध्ये देखील माजी आमदारांच्या नातेवाईकांना उमेदवारी देण्यात आली आहे. राष्ट्रवादी शरद पवार गटाचे माजी आमदार मानसिंगराव नाईक यांचे नातेवाईक असणारे अभिजीत नाईक यांना उमेदवारी देण्यात आली आहे. अभिजीत नाईक माजी आमदार मानसिंगराव नाईक यांच्या चुलत भावाचे पुत्र लागतात. विशेष म्हणजे याच नगराध्यक्ष पदाच्या निवडणुकीमध्ये मानसिंगराव नाईक यांचेच सख्खे चुलत बंधू भगतसिंग नाईक यांचे सुपुत्र पृथ्वीसिंग नाईक हे महायुतीतील शिवसेना शिंदे पक्षाकडून नगराध्यक्ष पदाचे उमेदवार आहेत. त्यामुळे या ठिकाणी काका-पुतणा मध्ये लढत होणार आहे.