रांजणगाव में बिबटिया ने श्वान पर हमला, बच्चों के बीच दहशत फैल गई

रांजणगावमध्ये बिबट्याचा श्वानावर हल्ला — बालकांच्या जीविताला धोका टळला खेड तालुक्यातील अंगणात खेळणाऱ्या मुलावर बिबट्याच्या हल्ल्याची ताजी घटना विसरायचीही नाही तोच आता रांजणगाव परिसरातही बिबट्याचा वावर दिसून आला आहे. खेडकार वस्ती येथील आदर्श सोसायटी परिसरात बिबट्याने एका श्वानावर अचानक झडप घातली. मात्र श्वान थोडक्यात बचावल्यााने मोठी दुर्घटना टळली. हल्ल्याच्या वेळी बाजूलाच घराच्या अंगणात लहान मुले खेळत असल्याने त्यांच्या जीविताला गंभीर धोका निर्माण झाला होता. सुदैवाने बिबट्याने मानवी वस्तीकडे न वळता शेताच्या दिशेने पळ काढला. नागरिकांनी तत्काळ वनविभागाला माहिती दिली असून घटनास्थळी पथक दाखल झाले आहे. बिबट्याचा वावर आता थेट नागरी वस्त्यांपर्यंत पोहोचल्यामुळे परिसरात भीतीचे वातावरण निर्माण झाले आहे.