यवला नगरपरिषद चुनाव 2025: महायुति बनाम शिवसेना-शरद पवार गुट की हॉट टक्कर

येवला नगरपरिषद निवडणूक 2025 अत्यंत चुरशीची ठरणार आहे. नऊ वर्षांनंतर होणाऱ्या या निवडणुकीत महायुती विरुद्ध शिवसेना आणि शरद पवार गट असा सामना रंगला आहे. पाहूया आमचा हा विशेष रिपोर्ट… येवला नगरपरिषद निवडणूक 2025… शहरातील तसेच जिल्ह्यातील सर्वाधिक चर्चेचा विषय ठरत आहे. मंत्री छगन भुजबळ यांचा परंपरागत मतदारसंघ असल्याने ही निवडणूक अधिकच महत्त्वाची ठरतेय. राज्यात सत्तेत असलेल्या राष्ट्रवादी काँग्रेस अजित पवार गट आणि भाजप यांनी एकत्र येऊन महायुतीच्या नावाने निवडणूक रिंगणात उडी घेतली आहे. या युतीकडून उपमहाराष्ट्र केसरी राजेंद्र लोणारी यांना नगराध्यक्ष पदाची उमेदवारी देण्यात आली आहे. तर दुसरीकडे, शिवसेना शिंदे गटाने मात्र भाजप–राष्ट्रवादीच्या विरोधात स्वतंत्र ताकदीने मैदान गाजवण्याचा निर्णय घेतला आहे. या गटाकडून रुपेश लक्ष्मण दराडे नगराध्यक्ष पदासाठी लढत आहेत. रुपेश दराडे हे नाशिक विभागाचे शिक्षक आमदार किशोर दराडे तसेच माजी आमदार नरेंद्र दराडे यांचे पुतणे. दराडे कुटुंबाचा येवला राजकारणात दीर्घ वारसा आहे. विशेष म्हणजे… भुजबळांना शह देण्यासाठी राष्ट्रवादी शरद पवार गटाचे ज्येष्ठ नेते माणिकराव शिंदे यांनी शिवसेना उमेदवार रुपेशक दराडे यांना पाठिंबा जाहीर केला आहे. यामुळे लढतीला नवीनच दिशा मिळाली आहे. येवला शहरात भुजबळ आणि दराडे गटांमधील राजकीय वैर सर्वश्रुत आहे. आणि यावेळी दोन्ही बाजू एकमेकांवर मात करण्यासाठी कामाला लागल्या आहेत. दरम्यान, प्रकृतीच्या कारणामुळे मंत्री छगन भुजबळ रुग्णालयात उपचार घेत आहेत. त्यांच्या अनुपस्थितीत त्यांचे पुतणे माजी खासदार समीर भुजबळ प्रचाराची धुरा सांभाळताना दिसत आहेत. अर्ज माघारीनंतर नगराध्यक्ष पदासाठी केवळ दोनच उमेदवार उरले आहेत— महायुतीचे राजेंद्र लोणारी आणि शिवसेना शिंदे गट व राष्ट्रवादी शरद पवार गटाचे रुपेश दराडे. म्हणूनच येवला नगरपालिका कोणाच्या हातात जाणार… महायुती की विरोधी आघाडी? याकडे सर्वांचे लक्ष लागले आहे.