गैस टंचाई के बीच येवला के कारिगर ने ऑईल-चालित शेगड़ी से होटल उद्योग को राहत दी

राज्यात सध्या व्यावसायिक गॅसची टंचाई निर्माण झाल्यामुळे हॉटेल व्यवसायिकांवर मोठं संकट आलं आहे. मात्र येवला शहरातील एका कारागिराने भन्नाट देशी जुगाड शोधून काढला आहे. ऑईलवर चालणारी शेगडी तयार करत त्याने हॉटेल व्यावसायिकांना मोठा दिलासा दिला आहे. पाहूया खास रिपोर्ट. सध्या सर्वत्र व्यावसायिक गॅसची टंचाई जाणवत आहे. त्यामुळे हॉटेल व्यवसायिकांना मोठ्या अडचणींचा सामना करावा लागत आहे. गॅस उपलब्ध नसल्याने अनेक हॉटेल बंद करण्याची वेळ येत आहे. अशा परिस्थितीत नाशिक जिल्ह्यातील येवला शहरातील कारागीर तुषार लाड यांनी एक अनोखा देशी जुगाड केला आहे. त्यांनी ऑईलवर चालणारी शेगड़ी तयार केली असून सध्या ही शेगडी चर्चेचा विषय ठरत आहे. या शेगडीची खासियत म्हणजे ती टाकावू ऑईलवर चालते आणि त्यावर हॉटेलमधील जवळपास सर्व पदार्थ सहज बनवता येतात. त्यामुळे हॉटेल व्यवसायिकांसाठी ही शेगड़ी वरदान ठरत आहे. गॅस टंचाईमुळे अडचणीत सापडलेल्या हॉटेल व्यवसायिकांनी या शेगडीचे स्वागत केले असून कमी खर्चात पर्याय उपलब्ध झाल्याने समाधान व्यक्त केले आहे. गॅस टंचाईच्या काळात येवला शहरातील या कारागिराचा देशी जुगाड अनेक हॉटेल व्यवसायिकांसाठी खऱ्या अर्थाने दिलासा ठरताना दिसत आहे. सुदर्शन खिल्लारे, येवला नाशिक