200 करोड़ के ग्रीन बॉन्ड पर निवेशकों का भारी ओवरसब्सक्राइब, जलापूर्ति पर होंगे प्रोजेक्ट्स

ग्रीन बाँडचे पैसे लवकरच महापालिकेच्या तिजोरीत जमा होणार बाजारात साडेपाचपट प्रतिसाद अँकर महानगरपालिकेनरे बाजारात आणलेल्या २०० कोटी रुपयांच्या ग्रीन बाँडला गुंतवणूकदारांकडून उत्स्फूर्त प्रतिसाद मिळाला असून, अवघ्या दोन दिवसांत हा इश्यू तब्बल ५.४६ पट ओव्हरसब्स्क्राइब झाला. त्यामुळे मनपाच्या तिजोरीत २०० कोटी रुपयांची उभारणी झाली असून लवकरच महानगरपालिकेच्या तिजोरीत पडतील, अशी माहिती मुख्य लेखा व वित्त अधिकारी दत्तात्रय पाथरूड यांनी दिली. ९ मार्च रोजी सार्वजनिक इश्यूद्वारे हा ग्रीन बाँड बाजारात आणण्यात आला होता. या इश्यूमध्ये १२० कोटींचा हिस्सा संस्थागत गुंतवणूकदारांसाठी, ५० कोटी नॉन-इन्स्टिट्यूशनल गुंतवणूकदारांसाठी तर ३० कोटी सामान्य गुंतवणूकदारांसाठी राखीव ठेवण्यात आला होता. अपेक्षेपेक्षा अधिक मागणी नोंदवल्यामुळे हा इश्यू मोठ्या प्रमाणात ओव्हरसब्स्क्राइब झाला. या ग्रीन बाँडमध्ये गुंतवणूक करणाऱ्या गुंतवणूकदारांना मनपाकडून दर सहा महिन्यांनी ८.०५ टक्के व्याज देण्यात येणार आहे. या माध्यमातून उभारण्यात आलेला निधी शहरातील पायाभूत सुविधा मजबूत करण्यासाठी वापरण्यात येणार आहे. विशेषतः आगामी सिंहस्थ कुंभमेळ्याच्या पार्श्वभूमीवर जलपुरवठा आणि पाणी व्यवस्थापनाशी संबंधित महत्त्वाच्या प्रकल्पांसाठी हा निधी खर्च केला जाणार आहे.