8 महीने से फरार आरोपी अंबड़ पुलिस के कब्जे में, धोखाधड़ी में गिरफ्तार

८ महिन्यांपासून फरार सराईत आरोपी अंबड गुन्हे शाखेच्या ताब्यात... नाशिक शहरात फसवणुकीच्या गुन्ह्यांत ८ महिन्यांपासून फरार असलेला सराईत आरोपी अखेर जाळ्यात अडकला आहे. पाईपलाइन रोड परिसरातून त्याला अटक करण्यात आली हेमंत आहेर या तरुणाने बहिणीच्या लग्नासाठी कर्ज मिळवण्याच्या उद्देशाने मित्र प्रतिक सोनटक्के याच्याशी संपर्क साधला होता. त्यावेळी त्याला क्रोमा शोरूममध्ये नेऊन त्याच्या नावावर ७५ हजारांचा अॅपल मोबाईल आणि १५,५०० रुपयांचा मोबाईल फायनान्सवर घेतला.मात्र मोबाईल स्वतःजवळ ठेवून त्याचा बॉस सुमित देवरे हा पैसे देण्याचे आश्वासन देत गायब झाला. फायनान्सचे हप्तेही भरले नाहीत आणि फसवणूक झाली.या प्रकरणी म्हसरूळ पोलिस ठाण्यात गुन्हा दाखल झाला होता आणि आरोपी सुमित संजय देवरे हा फरार होता.अंबड गुन्हे शाखेला गुप्त माहिती मिळाल्यानंतर पाईपलाईन रोड, गंगापूर येथे सापळा रचण्यात आला आणि दुपारी साडेतीन वाजता आरोपीला ताब्यात घेण्यात आले.आरोपीवर याआधीही मुंबई नाका, गंगापूर आणि म्हसरूळ पोलिस ठाण्यात फसवणुकीचे गुन्हे दाखल आहेत.