नांदेड नगरपालिका चुनाव: कांग्रेस-वंचित आघाडी टूटने के बाद आरोप-प्रत्यारोप तेज

नांदेड जिल्ह्यातील नगरपालिका निवडणूकीसाठी घोषणा करण्यात आलेली काँग्रेस आणि वंचित बहुजन पार्टीची आघाडी तुटली. काँग्रेस आणि वंचितने 11 नोव्हेबर रोजी संयुक्त पत्रकार परिषद घेऊन सम समान सन्मान या सूत्रावर आघाडी केल्याचे जाहीर केले होते. काँग्रेसचे खासदार रवींद्र पाटील, काँग्रेसचे जिल्हाध्यक्ष इतर पदाधिकारी आणि वंचित आघाडीच्या पदाधिकाऱ्यांची या पत्रकार परिषदेला उपस्थिती होती. नांदेड जिल्ह्यातील 12 नगरपरिषद आणि एका नगरपंचायत निवडणुकीसाठी आघाडीची घोषणा करण्यात आली होती. प्रत्यक्षात मात्र काँग्रेसने सर्वच ठिकाणी नगराध्यक्षाच्या उमेदवारासह सर्व सदस्यांसाठी उमेदवारी अर्ज दाखल केले होते. तर वंचित बहुजन आघाडीने पाच नगराध्यक्ष सह 37 सदस्य पदासाठी उमेदवारी दाखल केली होती. पण काँग्रेसने पाऊणेतीनशे जागापैकी केवळ चार जागांवर बोळवण करून पाठीत खंजीर खुपसल्याची प्रतिक्रिया वंचित बहुजन आघाडीचे पक्ष निरीक्षक अविनाश भोसीकार यांनी दिली. नांदेडमध्ये काँग्रेस हे अशोक चव्हाण यांची बी टीम असल्याचा आरोप ही त्यांनी यावेळी केला.