जालना के नांजा में दो बोगस डॉक्टर गिरफ्तार; सोनोग्राफी मशीन और दवाएं बरामद

जालना : भोकरदनच्या नांजामध्ये गर्भलिंगनिदान करणारे दोन बोगस डॉक्टर गजाआड जालना : भोकरदन तालुक्यातील नांजा येथे अवैध गर्भलिंगनिदान करताना दोन डॉक्टरांना पोलीस आणि आरोग्य विभागाच्या पथकानं रंगेहाथ पकडलं आहे. नांजा येथील शेतात छापा टाकून काल रात्री ही कारवाई करण्यात आली आहे. पकडण्यात आलेले दोन्हीही डॉक्टर बोगस असल्याचं पोलीस तपासात समोर आलं आहे. सतिष सोनवणे, केशव गावंडे अशी या बोगस डॉक्टरांची नावं आहेत. यातील एक जण फरार झाला आहे. या छाप्यादरम्यान पोलिसांनी सोनोग्राफी मशीनसह औषधांचा साठा जप्त केला आहे. पकडण्यात आलेले बोगस डॉक्टर प्रोब आणि मोबाईल अँप्लिकेशनच्या माध्यमातून तपासणी करत असल्याचं समोर आलं या कारवाईत गर्भपाताच्या गोळ्या देखील जप्त केल्या आहेत. दरम्यान आरोपी असलेल्या बोगस डॉक्टरांना भोकरदन पोलिसांनी अटक केली असून गुन्हा दाखल करण्यात आला आहे. पोलीस या प्रकरणी अधिक तपास करत आहेत.