सात पाण चिट्ठी लिहत नवविवाहितेचा सासरच्या जाचाला कंटाळून आत्महत्या भाऊ, तुम्ही मला खूप प्रेमाने वाढविले; पण माझे नशीब खराब, रोज थोडं-थोडं मरण्यापेक्षा मी विष खाऊन झोपत आहे...' अशी एका भावनिक आत्महत्यापूर्व सात पानांची चिठ्ठी लिहून नाशिकच्या पंचवटीतील हिरावाडीत नवविवाहितेने सासरच्या जाचाला कंटाळून जीवनप्रवास संपविल्याची धक्कादायक घटना काल घडलीये. नेहा बापू डावरे ऊर्फ नेहा संतोष पवार , असे आत्महत्या केलेल्या महिलेचे नाव आहे. पंचवटीमधील संजयनगर परिसरात राहणाऱ्या नेहा हिचा विवाह जून महिन्यात संतोष पतार नामक युवकासोबत झाला होता. विवाहानंतर जेमतेम महिनाभरानंतर पती, सासू, तसेच नणंदेकडून तिचा विविध कारणांनी शारीरिक-मानसिक छळ करण्यास सुरुवात झाली. माहेरी जाते, माहेरच्या लोकांशी फोनवर गप्पा मारते, असे सांगून तिच्या चारित्र्यावर संशय घेत कौमार्य चाचणीसारखा क्रूर प्रकार पती व नणंदेकडून करण्यात आल्याची संतापजनक बाबसुद्धा तिने चिठ्ठीत लिहिली आहे. पतीसह सासरच्या नातेवाइकांकडून सततच्या होणाऱ्या बुधवारी राहत्या घरी विष प्राशन केले. ही घटना भावाला समजतात त्याने तत्काळ तिच्या घरी धाव घेत तिला उपचारासाठी खासगी रुग्णालयात दाखल केले. मात्र, उपचारादरम्यान तिचा मृत्यू झाला. याप्रकरणी पंचवटी पोलिसांनी अकस्मात मृत्यूची नोंद केली आहे, तसेच सात पानांची चिठी तपासाकरिता जप्त केली असून, याप्रकरणी रात्री उशिरा पंचवटी पोलिस ठाण्यात तिच्या पतीसह सासरच्या लोकांविरुद्ध गुन्हा दाखल करण्यात आलाय...