चिकलठाणा हवाई अड्डे पर शिरसाट-जनजाळ का टकराव, श्रीकांत शिंदे देंगे नयी राह

छत्रपती संभाजी नगर मध्ये पालकमंत्री संजय शिरसाट आणि जिल्हाप्रमुख राजेंद्र जंजाळ यांच्या वादात खासदार श्रीकांत शिंदे आता तोडगा काढणार आहेत. चिकलठाणा विमानतळावर बुधवारी रात्री उपमुख्यमंत्री एकनाथ शिंदे यांना भेटण्यासाठी सुरुवातीला जिल्हाप्रमुख जंजाळ, त्यांच्या पाठोपाठ खासदार संदिपान भुमरे आणि त्यानंतर पालकमंत्री शिरसाट आले होते. या वेळी उपमुख्यमंत्री शिंदे यांनी जंजाल यांच्या सोबत संवाद साधला आणि याबाबत खासदार शिंदे यांच्याशी चर्चा करण्यात येणार असल्याच्या सूचना जंजाळ यांना दिल्या. त्यानंतर खासदार शिंदे विमानतळावर आल्यानंतर त्यांनी पालकमंत्री शिरसाट यांची भेट घेतली. त्यानंतर जंजाळ आणि श्रीकांत शिंदे हॉटेलकडे रवाना झाले. संजय शिरसाठ यांनी मात्र इथं कोणतीही चर्चा झाली नाही. नेत्यांना निरोप देण्यासाठी आलो आहे, असे सांगितले. महत्वाचे म्हणजे विमानतळावर पालकमंत्री आणि जिल्हाप्रमुखांनी शक्तिप्रदर्शन केले. दोघांचेही कार्यकर्ते मोठ्या संख्येने उपस्थित होते.