जालना नगर निगम आयुक्त 10 लाख रिश्वत लेते गिरफ्तार

जालना महानगरपालिकेत ऐन दिवाळीत अँटी करप्शन विभागाने अँटोम बॉम्ब फोडला आहे. जालना महानगरपालिकेचा आयुक्त संतोष खांडेकर याला 10 लाखांची लाच घेताना रंगेहाथ पकडण्यात आल्याची माहिती समोर आली आहे; मात्र ही लाच कोणत्या कामासाठी मागितली याची माहिती लाच लुचपत प्रतिबंधक विभागाकडून अजून देण्यात आलेली नाही. संतोष खांडेकर हा जालना महानगरपालिकेचा आयुक्त असून त्याने एका कॉन्ट्रॅक्टरकडे 10 लाखांच्या लाचेची मागणी केली होती. मात्र या तक्रारदार ही रक्कम देण्यास तयार नसल्यानं त्यांनी लाच लुचपत प्रतिबंधक विभागाकडे तक्रार केली. या तक्रारीनंतर लाच लुचपत प्रतिबंधक विभागाने सापळा लावून आयुक्त संतोष खांडेकर याला ताब्यात घेतलं तसेच त्याच्या शासकीय निवासस्थानाची झाडाझडती घेण्याच काम रात्री उशिरापर्यंत सुरू होतं.