नागपूर शहरात 24 तासांत दोन हत्येच्या घटना घडल्यात. इमामवाडा व नवीन कामठी पोलिस ठाण्यांच्या हद्दीत या घटना घडल्या. पहिली घटना इमामवाडा पोलिस ठाण्याच्या हद्दीत बुधवारी मध्यरात्रीच्या सुमारास घडली. नीलेश ऊर्फ बाळा किरण अंबाडारे असे मृतकाचे नाव आहे. पैशांच्या देवाणघेवाणीवरून त्याचा दोन अल्पवयीन मुलांशी वाद सुरू होता. यावेळी संतापलेल्या मुलांनी रात्री साडेअकरा वाजताच्या सुमारास आरोपी व मृतकामध्ये परत वाद झाला. आरोपीनी नीलेशच्या पोट व शरीरावर आरोपींनी चाकूने वार केले. त्यानंतर त्यांनी त्याच्या तोंडावर दगडाने प्रहार केले व त्याची हत्या केली. दुसरी घटना नवीन कामठी पोलिस ठाण्याच्या हद्दीत घडली. विवेक तांडेकर असे मृतकाचे नाव आहे. तो रेतीचा व्यवसाय करायचा. नेरीतील उपसरपंच देविदास उर्फ देवा बारसुजी वंजारी याने विवेकच्या काका-काकूला शिवीगाळ केली होती व त्यामुळे देविदास-विवेकमध्ये वाद झाला होता. यासंदर्भात नवीन कामठी पोलीस ठाण्यात तक्रारदेखील करण्यात आली होती. बुधवारी रात्री विवेक शेतातील विटभट्टीवर गेला होता. तेथे अज्ञात आरोपींनी त्याच्यावर हल्ला करत डोक्यावर पाना-पेचकस व इतर हत्यारांनी वार करत हत्या केली. अभिषेक तांडेकर याच्या तक्रारीवरून पोलिसांनी अज्ञात आरोपीविरोधात गुन्हा दाखल केला होता. पोलिसांनी चौकशी केली असता वंजारीसोबतच कामठीतील नेरीमधील केशव सुखलाल गिरी आणि साहिल प्रमोद रातोडे यांचा हात असल्याची बाब समोर आली.