यंदाच्या ऊस हंगामात पहिली उचल विना कपात 3751 रुपये मिळायलाच हवी, अशी मागणी स्वाभिमानी शेतकरी संघटनेच्या ऊस परिषदेमधून करण्यात आली आहे . शेतकरी संघटनेचे नेते राजू शेट्टी यांनी ही मागणी केली आहे . जर साखर कारखानदारांनी 10 नोव्हेंबर पर्यंत ही मागणी मान्य केली नाही तर शेतकरी आणि साखर कारखानदार यांच्यातील संघर्ष अटळ आहे असा इशारा देखील राजू शेट्टी यांनी दिला आहे . दरवर्षी स्वाभिमानी शेतकरी संघटनेच्या नावाने ओरडलं जातं की उसाचा हंगाम शेतकरी स्वाभिमानी शेतकरी संघटनेमुळे लांबला जातो पण यावेळी 25 दिवस साखर कारखानदारांना वेळ देतोय त्यामुळे त्यांनी नंतर ओरड करू नये असं देखील शेट्टी म्हणालेत . यावेळी साखर कारखान्याच्या काटा मारी संदर्भात बोलताना राजू शेट्टी यांनी मुख्यमंत्री देवेंद्र फडणवीस यांच्यावर जोरदार टीका केली . काटामारी कशाप्रकारे केली जाते हे मी फडणवीस यांना सांगितले आहे, पण बहुतेक फडणवीस हे साखर कारखानदार यांना ब्लॅकमेल करण्यासाठी वापरत असतील अशी देखील टीका केलीय . एकीकडे साखर ऊस उत्पादन वाढवण्यासाठी AI तंत्रज्ञानाचा वापर करा असं सांगत आहेत, पण त्यानी काटामारी रोखण्यासाठी AI तंत्रज्ञानाचा वापर करावा असं देखील ऊस परिषदेत सुचवले आहे .