गडचिरोली के तीनों नगरपरिषद में बीजेपी की भारी जीत, विपक्ष हिल गया

मुख्यमंत्री पालकमंत्री असलेल्या गडचिरोलीत भाजपचे कमळ फुलले. सर्व तीनही नगरपरिषदावर भाजपने सत्ता मिळविली आहे. विशेष म्हणजे महायुती आणि महाविकास आघाडी या सर्वांच्या विरोधात भाजपने तीनही जागी लढत दिली होती. गडचिरोली, आरमोरी आणि देसाईगंज या तीनही ठिकाणी भाजपने अँटी इंकंबन्सी घटक धुळीस मिळवत सत्ता काबीज केली. गडचिरोली नगरपरिषदेत भाजपच्या उमेदवार ॲड प्रणोती निंबोरकर तब्बल 3700 मतांनी विजयी झाल्या. या नगर परिषदेत एकूण 27 नगरसेवक संख्या असून त्यापैकी भाजपने 15, राष्ट्रवादी काँग्रेस अजित पवार गटाने 5, काँग्रेस 6 तर वंचित बहुजन आघाडीचा 1 उमेदवार निवडून आला आहे. देसाईगंज नगर परिषदेत भाजपच्या लता सुंदरकर विजय झाल्या. इथली नगरसेवक संख्या 21 आहे. यापैकी भाजपने 12, राष्ट्रवादी काँग्रेस अजित पवार गटाने 2 तर काँग्रेसचे 7 उमेदवार विजयी झाले आहेत. आरमोरी नगरपरिषदेत भाजपने तरुण उमेदवार रुपेश पुणेकर यांना उमेदवारी दिली होती. त्यांनी लढत जिंकली आहे. इथली सदस्य संख्या 20 असून त्यापैकी तब्बल 15 नगरसेवक भाजपने निवडून आणले आहेत. शिवसेना शिंदे गटाचा 1 उमेदवार तर काँग्रेसचे 4 उमेदवार निवडून आले. गडचिरोली