पिंपळनेर नगर परिषद चुनाव: शिवसेना-भाजपा- कांग्रेस में तगड़ी भिड़ंत

धुळे जिले के साक्री तालुक्यात स्थित पिंपळनेर नगरपालिकेची पहिल्यांदा निवडणूक होत आहे. महायुतीत फुट पडल्याने शिवसेनेच्या वतीने स्वतंत्र निवडणूक लढवण्याची भूमिका घेण्यात आली. आज नगराध्यक्ष पदासह सर्व नगरसेवक पदाच्या उमेदवारांचा अर्ज शिवसेना आमदार मंजुळा गावित यांच्या उपस्थिती दाखल करण्यात आला. निवडणुकीचा अर्ज भरण्याचा शेवटचा दिवस असल्याने विविध पक्षांकडून अर्ज भरण्यासाठी मोठी गर्दी पिंपळनेर शहरात बघायला मिळाली. पिंपळनेर नगर परिषदेत महायुतीमध्ये फूट पडली असून, या नगर परिषदेसाठी शिवसेना, भाजप आणि काँग्रेस अशी तिरंगी लढत राहणार आहे. शिंदे गटाच्या शिवसेनेने जोरदार शक्तिप्रदर्शन करत मिरवणूक काढली. यावेळी शिवसेना शिंदे गटाच्या नगराध्यक्ष पदाच्या उमेदवार ललिता गायकवाड यांनी आपला उमेदवारी अर्ज दाखल केला. यावेळी शिवसेनेचे जिल्हाध्यक्ष तुळशीराम गावित आमदार मंजुळा गावित तसेच शिवसेनेचे पदाधिकारी मोठ्या संख्येने उपस्थित होते. पिंपळनेर नगर परिषद करण्यासाठी शिवसेना शिंदे गटाचा सिंहाचा वाटा असून पिंपळनेर शहरात केलेल्या विकास कामांच्या जोरावर नगराध्यक्ष पदासह नगरसेवक पदाच्या 20 जागांवर शिवसेनेचाच विजय होईल असा विश्वास यावेळी आमदार मंजुळा गावित यांनी व्यक्त केला आहे. तर दुसरीकडे पिंपळनेर नगर परिषदेच्या नगराध्यक्ष पदाच्या निवडणुकीत महायुतीतील शिवसेना व भाजप आमने-सामने लढणार असल्याने निवडणूक चांगलीच रंगणार आहे.