धुळे के किसानों ने सातबारा कोरा और 50 हजार/हेक्टेरे मदद की मांग पर प्रदर्शन

पूरग्रस्त शेतकऱ्यांना हेक्टरी 50 हजाराची मदत व सातबारा कोरा झालाच पाहिजे यां मागणीसाठी धुळे शिवसेना उबाठा गटाने जिल्हाधिकारी कार्यालया समोर निदर्शने आंदोलन केले. धुळे जिल्ह्यातील सर्व तालुक्यांत सर्व महसूली मंडळांमध्ये अतिवृष्टीमुळे शेतकऱ्यांचे प्रचंड नुकसान झाले असून खरीपाचे पीक पूर्णतः वाया गेले आहे. शेतकऱ्यांचे कापूस,मका,बाजरी, ज्वारी,कांदा, सोयाबीन हि पिके पाण्याखाली गेल्याने शेतकरी आर्थिक संकटात सापडला आहे. यातील प्रमुख पिके हि काढणीला आली असताना अतिवृष्टी मुळे हि संपूर्ण पिके सडायला लागत असल्याने झालेल्या नुकसानी संदर्भात प्रशासकीय अधिकारी पिकांचे पंचनामे करताना टाळाटाळ करत असल्याने शेतकरी बांधव चांगलेच संतापले आहेत, धुळे जिल्ह्यात अनेक महसूल मंडळामध्ये अनेक गावांची वगळण्यात आले असून त्यामुळे देखील शेतकऱ्यांनी नाराजी व्यक्त केली आहे. तसेच विद्यमान सरकारने सत्तेत येण्या अगोदर शेतकऱ्यांचा संपूर्ण सातबारा कोरा केला जाईल ही घोषणा दिली होती. पण राज्याच्या विद्यमान फडवणीस सरकारने शेतकऱ्यांच्या तोंडाला पाणी पुसले असून शेतकऱ्यांना अतिवृष्टीची अत्यल्प मदत जाहीर केली आहे. त्या विरोधात आज शिवसेना उद्धव बाळासाहेब ठाकरे पक्षाच्या वतीने राज्यभरात शेतकरी आक्रोश आंदोलन छेडले गेले. शिवसेना धुळे जिल्हा वतीने साक्री, पिंपळनेर येथे तहसील कार्यालय व धुळे येथे जिल्हाधिकारी कार्यालयावर एकाच वेळी निदर्शने करून जोरदार घोषणाबाजी करण्यात आली.