संभाजीनगर की पिटलाइन अड़चनें: यात्रियों को मुंबई जाने के लिए गाड़ियाँ कम

पर्यटन राजधानी असलेल्या संभाजीनगराची रेल्वेनं पिटलाइन मागील २ वर्षांपासून तांत्रिक कारणास्तव अडकली आहे. परिणामी, शहरातून नवीन रेल्वेगाड्या सुरू करण्यात अडचणी येत आहेत. एकीकडे रेल्वे प्रशासन आधुनिकीकरणाच्या गप्पा मारत असताना दुसरीकडे प्रवाशांना मुंबईला जाण्यासाठी हक्काची गाडी मिळेनाशी झाली आहे. राजकीय नेते फक्त आश्वासनांचे वारेमाप डोंगर उभे केले, मात्र रेल्वे मंत्रालयाकडून प्रवाशांच्या सोयी पदरात पाडून घेण्यात लोकप्रतिनिधींना अपयश आल्याचे चित्र आहे. छत्रपती संभाजीनगरसाठी मंजूर झालेली पिटलाइन आधी जालन्याला पळवण्यात आली. त्यानंतर शहरासाठी १६ डब्यांची छोटी पिटलाइन मंजूर झाली. जालन्याचे काम पूर्ण झाले, मात्र येथील काम केवळ अंतिम जोडण्यांअभावी रखडले आहे. दरम्यान, जालना-मुंबई जनशताब्दीचा विस्तार हिंगोलीपर्यंत, तर वंदे भारतचा विस्तार नांदेडपर्यंत करण्यात आला. यामुळे या गाड्यांच्या वेळेत बदल होऊन त्या चाकरमान्यांसाठी गैरसोयीच्या ठरत आहेत...