जनवरी में मराठवाड़े के 76 किसानों ने आत्महत्या की, बीड में सबसे अधिक

छत्रपती संभाजीनगर. मराठवाड्यात नव्यावर्षात ही शेतकरी आत्महत्यांचे सत्र सुरूच... जानेवारी महिन्यात 76 शेतकऱ्यांची आत्महत्या, सर्वाधिक बीड जिल्ह्यात. मराठवाड्यात 2025 या मागील वर्षात तब्बल 1129 शेतकऱ्यांनी आपले जीवन संपवले होते. शेतकरी आत्महत्याचे हे सत्र नव्या वर्षातही सुरूच आहे. जानेवारी 2026 या एका महिन्यात मराठवाड्यात तब्बल 76 शेतकऱ्यांनी आत्महत्या केल्या आहेत.यात सर्वाधिक 24 आत्महत्या बीड जिल्ह्यात झाल्या आहेत. त्या पाठोपाठ छत्रपती संभाजीनगर जिल्ह्यातही 20 शेतकऱ्यांनी आपले जीवन संपविले आहे. कधी पावसाचा खंड तर कधी अतिवृष्टी-yामुळे शेतीपिकांचे नुकसान होऊन त्याचा उत्पन्नावर परिणाम होत आहे. शिवाय पिकविलेल्या शेतीमालाला हमीभाव प्रमाणे दर मिळत नसल्याने शेतकरी अडचणीत आला आहे. परिणामी शेतकऱ्यांचे आर्थिक गणित बिघडत आहे. या गोष्टींना कंटाळून अनेक शेतकरी टोकाचा निर्णय घेत आहेत. शेतकऱ्यांना समृद्ध करण्यासाठी आणि आत्महत्या रोखण्यासाठी आता सरकारने ठोस उपाय योजना करणे गरजेचे आहे. ग्राफिक्स जानेवारी महिन्यात मराठवाड्यात कुठल्या जिल्ह्यात किती आत्महत्या झाल्या पाहुयात. - छत्रपती संभाजीनगर - 20 - जालना - 06 - परभणी - 02 - हिंगोली - 05 - नांदेड - 11 - बीड - 24 - लातूर - 03 - धाराशिव - 05 - एकूण - 76