अकोला के राम मंदिर में ब्रज की होली, फूलों से नैसर्गिक रंगों का रंगोत्सव

आपल्या देशात विविध परंपरा आणि वेगवेगळ्या पद्धतीने होळी साजरी केली जाते. विशेषत: उत्तर भारतात होळीचा उत्सव महिनाभर आधीपासूनच सुरू होतो. त्याच धर्तीवर अकोला शहरात “बृज की होली”चे आयोजन मोठ्या राम मंदिरात करण्यात आले. या होळीत रासायनिक रंगांचा किंवा पाण्याचा वापर करण्यात आला नाही. फक्त सुगंधी फुलांच्या पाकळ्यांनी आणि नैसर्गिक रंगांनीच होळी खेळण्यात आली. मंदिर परिसरात फुलांचा वर्षाव होत असताना पारंपरिक होळीच्या लोकगीतांवर भाविकांनी ठेका धरला आणि भक्तीमय वातावरणात “बृज की होली”चा आनंद लुटला. या राम मंदिरात गेल्या बारा वर्षांपासून फुलांची होळी साजरी करण्याची परंपरा सुरू आहे. पर्यावरणपूरक आणि सांस्कृतिक वारसा जपणाऱ्या या उपक्रमाला दरवर्षी भाविकांचा उत्स्फूर्त प्रतिसाद मिळत असून यंदाही मोठ्या संख्येने नागरिक सहभागी झाले होते.