परसूल की चिंचोली नदी में अज्ञात पुरुष की हत्या, शव डंबेल से बंधा मिला

चांदवड तालुक्यातील परसूल येथील चिंचोली नदीत काल (दुपारी) एका अज्ञात इसमाचा मृतदेह आढळून आल्याने परिसरात एकच खळबळ उडाली आहे घटनेची माहिती मिळताच चांदवड पोलीस तात्काळ घटनास्थळी दाखल झाले असून नागरिकांच्या मदतीने मृतदेह बाहेर काढण्यात आला प्राथमिक तपासात हा मृत्यू अपघाती नसून हत्या झाल्याचे धक्कादायक वास्तव समोर आले आहे निफाड–चांदवड रोडवरील चिंचोली नदीच्या पुलाखाली पाण्यात फुगलेल्या अवस्थेत हा मृतदेह तरंगताना आढळून आला मृतदेह बाहेर काढल्यानंतर त्याचे हात एकमेकांना नायलॉन दोरीने बांधून ते मांडीला बांधलेले असल्याचे दिसून आले तसेच मृताच्या कमरेस सुमारे 20 ते 30 किलो वजनाचे डंबेल्स बांधलेले होते याशिवाय मयताचे तोंड कपड्याने बांधलेल्या अवस्थेत असल्याने हा खून असल्याची शक्यता अधिक बळावली आहे मृत व्यक्ती अंदाजे 35 ते 40 वर्षे वयोगटातील अज्ञात पुरुष असल्याची माहिती पोलिसांनी दिली आहे या प्रकरणी परसूल येथील पोलीस पाटील यांच्या फिर्यादीवरून आकस्मित मृत्यूची नोंद केली आहे चांदवड पोलीस पुढील तपास करत आहेत दरम्यान, घटनेमुळे परिसरात भीतीचे वातावरण निर्माण झाले असून मृताची ओळख पटविण्याचे प्रयत्न पोलीसांकडून सुरू आहेत