पैठण के SBI ATM बुथ में आग, धुआँ उठते ही भगदड़

छत्रपती संभाजीनगरच्या पैठण तालुक्यातील पाचोड शहरात एसबीआय बँकेच्या एटीएम बुथमध्ये आग लागल्याची घटना घडली आहे. बसस्थानकासमोर असलेल्या या एटीएममधून अचानक धूर निघू लागल्याने गोंधळ उडाला. एटीएममध्ये दररोज मोठी गर्दी असते. यावेळी एटीएमच्या आतून धूर दिसल्याने तात्काळ हॉटेलमधील आणि बसस्थानकातील लोकांनी धाव घेतली. आत पाहणी केली असता वायरचे घर्षण होत असल्याने ठिणग्या उडत असल्याचं आढळलं आणि आग भडकली. स्थानिकांनी एटीएममध्ये शिरून पाण्याचा मारा करत आग आटोक्यात आणण्याचा प्रयत्न केला. मात्र वायरचे घर्षण सुरूच असल्याने आग विझवण्यात वेळ गेला. नागरिकांनी तात्काळ ही माहिती बँक प्रशासनाला आणि एटीएम व्यवस्थापनाला दिली. दरम्यान, एटीएममध्ये किती रोकड होती आणि आग रोकडपर्यंत पोहोचली का, याबद्दल अद्याप कोणतीही अधिकृत माहिती मिळालेली नाही.