हॉटेल व्हिट्स के लिलावे में गड़बड़ियों के आरोप, आयुक्त की अध्यक्षता में उच्चस्तरीय जांच

छत्रपती संभाजी नगरच्या रेल्वेस्टेशन रोडवरील हॉटेल व्हिट्स आणि लगतच्या मोकळ्या जागेच्या वादग्रस्त लिलाव प्रक्रियेची आता विभागीय आयुक्त जितेंद्र पापळकर यांच्यामार्फत उच्चस्तरीय चौकशी होणार आहे. या लिलावात मोठ्या प्रमाणावर अनियमितता झाल्याचा आरोप विरोधी पक्षांनी केला होता. या प्रकरणाचे गांभीर्य लक्षात घेऊन राज्य सरकारने चौकशी समितीमध्ये बदल केला असून, आता विभागीय आयुक्तांच्या अध्यक्षतेखाली ८ सदस्यांची समिती या प्रकरणाचा छडा लावणार आहे. ३ महिन्यांपूर्वी या प्रकरणाची चौकशी जिल्हाधिकारी दिलीप स्वामी यांच्या अध्यक्षतेखालील समितीकडे सोपवण्यात आली होती. मात्र, आता त्यात बदल करून ही जबाबदारी थेट विभागीय आयुक्त कडे देण्यात आली आहे.. हॉटेलच्या या लिलावानंतर उबाठासह सर्वच विरोधी पक्षांनी आक्रमक पवित्रा घेतला. या मालमतेचे बाजारमूल्य १५० कोटींच्या घरात असताना ती केवळ ६४ कोटींत मोजक्याच लोकांना देण्यात आल्याचा आरोप झाला. विधिमंडळातही हा मुद्दा गाजला. विरोध पाहून पालकमंत्री संजय शिरसाठ यांच्या मुलाने लिलावातून माघार घेतली, तर मुख्यमंत्री देवेंद्र फडणवीस यांनी चौकशीचे आश्वासन दिले होते...