पिंपरी चिंचवड महानगर पालिका संचलित जगद्गुरू संत तुकाराम महाराज संतपीठाच्या वतीने संत शिरोमणी नामदेव महाराज यांनी वास्तव्य केलेल्या पंजाब घुमान इथ संतपीठाच्या माध्यमातून अभ्यास दौऱ्याचे आयोजन केले गेल. सदर अभ्यास दौऱ्यादरम्यान घुमान इंटरनॅशनल पब्लिक स्कुल, बाबा नामदेवजी गव्हर्नमेंट डिग्री कॉलेज, बाबा आया सिंग रिअरकी कॉलेज या ठिकाणी भेटी दिल्या. घुमान मधल्या संत नामदेव महाराज मंदिरामध्ये संतपीठाचे संचालक ह. भ. प. श्री राजु महाराज ढोरे यांचे संत शिरोमणी नामदेव महाराजांच्या तु अगाध वैकुंठनायका | तेरे चरणो मेरा माथा || या अभंगावर किर्तन संपन्न झाले. संत शिरोमणी नामदेवरायांच्या मंदिरात महाराष्ट्रातील वारकरी सांप्रदायिक परंपरेनुसार प्रथमच हिंदी किर्तन सेवा पार पडली.