चंद्रपुर के वारोरा नगरपरिषद चुनाव में शिवसेना शिंदे गट महायुति की भिड़ंत

चंद्रपूर जिल्ह्यातील वरोरा नगरपरिषद निवडणुकीसाठी भाजपच्या विरोधात शिवसेना शिंदे गट उभा ठाकला आहे. रीतीने नामांकन अर्ज भरण्याच्या शेवटच्या दिवशी जिल्ह्यात प्रथमच महायुतीत बिघाडी झाल्याचे चित्र आहे. 27 नगरसेवक आणि एका नगराध्यक्ष पदासाठी आज उमेदवारी अर्ज भरण्यात आले. शिवसेना शिंदे गटाचे जिल्हाप्रमुख नितीन मत्ते यांच्या पत्नी ज्योती मत्ते या शिंदे गटाच्या वतीने मैदानात उतरल्या असून त्यांच्या विरोधात भाजपने ज्येष्ठ भाजप नेते रमेश राजूरकर यांच्या पत्नी माया राजूरकर यांना मैदानात उतरविले आहे. दरम्यान भाजप बंडखोर वरघाने यांनीही वरोरा नगर परिषदेच्या नगराध्यक्ष पदाच्या थेट निवडणुकीसाठी मैदानात उडी मारल्याने आता हा संघर्ष त्रिकोणी होण्याची चिन्हे आहेत. हा मतदारसंघ शिवसेना शिंदे गटाचा बालेकिल्ला असल्याने आम्हाला भाजपशी युती नको अशी भूमिका शिंदे गटाच्या कार्यकर्त्यांनी घेतली होती. त्यानुसार आता महायुतीतील घटक पक्ष एकमेकांविरोधात लढणार आहेत.