छत्रपति संभाजी नगर: चार महीनों से पानी आपूर्ति संकट, शटडाउन से पानी 8–10 दिन में

छत्रपती संभाजी नगर शहरात मागील चार महिन्यांपासून पाणीपुरवठ्याचे नियोजन पूर्णपणे कोलमडले असून मनपा प्रशासनाला वारंवार नवीन अडचणींना सामोरे जावे लागत आहे. मागील महिनाभर पाणीपुरवठा काहीसा सुरळीत झालेला असताना, एमजेपीने घेतलेल्या शटडाऊनमुळे पुन्हा आठ ते दहा दिवसांनी पाणी मिळत असल्याची तक्रार नागरिकांकडून करण्यात येत आहे. गेल्या महिन्यात मुख्य विद्युत यंत्रणा दुरुस्तीमुळे पाणीपुरवठा विस्कळीत झाला होता. आता नवीन पाणीपुरवठा योजनेची जोडणी करण्यासाठी मनपाने एमजेपीला सहा दिवसांचा शटडाऊन दिला आहे. यामुळे शहरातील पाणीपुरवठ्याचे टप्पे एक ते तीन दिवसांनी पुढे सरकत आहेत. परिणामी, आधी सात-आठ दिवसांनी मिळणारे पाणी आता ८-१० दिवसांनी मिळत आहे.