VSR विमान दुर्घटना पर अमोल मिटकरी की शंका, CID जांच और विशेष अधिवेशन की मांग

VSR कंपनीच्या विमानातून प्रवास करत असताना अजित पवारांचा झालेला अपघात अजूनही अनेक प्रश्न निर्माण करत आहे. या अपघाताबाबत राष्ट्रवादी काँग्रेसचे आमदार अमोल मिटकरी यांनी गंभीर शंका उपस्थित केल्या आहेत. आमदार अमोल मिटकरी यांनी सांगितले की, VSR कंपनीने डिसेंबर महिन्यात आपल्या प्रत्येक पायलटचा तब्बल ५० कोटी रुपयांचा विमा उतरवला होता आणि त्यानंतरच जानेवारी महिन्यात ही दुर्दैवी घटना घडली. त्यामुळे हा केवळ अपघात होता की त्यामागे काही वेगळा कट आहे, असा सवाल त्यांनी उपस्थित केला आहे. पायलटला हिप्नॉटाईज करण्यात आलं होतं का? ज्या पद्धतीने दहशतवादी हल्ल्यांमध्ये मानवी बॉम्ब किंवा अजमल कसाबसारख्या घटनांमध्ये हिप्नॉटिझमचा उल्लेख झाला होता, तसंच काहीसं या प्रकरणात घडलं का, अशी शंका मिटकरी यांनी व्यक्त केली. ५० कोटींच्या विम्याचं आमिष दाखवून पायलटला वापरण्यात आलं का, याचीही सखोल चौकशी झाली पाहिजे, अशी मागणी त्यांनी केली आहे. या प्रकरणाची CID चौकशी लावल्याबद्दल त्यांनी मुख्यमंत्री यांचे आभार मानले आहेत. दरम्यान, मंगळवारी सुनेत्रा पवार उपमुख्यमंत्री पदाचा पदभार स्वीकारणार असून, त्यावेळी मुख्यमंत्री यांची भेट घेऊन पायलट आणि VSR कंपनीची सखोल चौकशी करावी, तसेच या अपघाताच्या संदर्भात दोन दिवसीय विशेष अधिवेशन घेण्यात यावं, अशी मागणी करण्यात येणार असल्याचंही अमोल मिटकरी यांनी स्पष्ट केलं आहे.