उरळ पुलिस ने जुआ अड्डे पर छापेमारी, 17 गिरफ्तार, 4.36 लाख रुपए का माल जब्त

अकोला जिल्ह्यातील बाळापूर तालुक्यात जुगार अड्ड्यांवर कारवाईचा धडाका सुरू असतानाच उरळ पोलिसांनी मोठी कारवाई केली आहे. बाळापूर तालुका अंतर्गत उरळ पोलिस स्टेशनच्या हद्दीतील एका शेतात सुरू असलेल्या जुगार अड्ड्यावर पोलिसांनी छापा टाकला.उरळ पोलिस स्टेशन च्या पथकाने ही कारवाई केली.शेतात मोठ्या प्रमाणात जुगार सुरू असल्याची माहिती पोलिसांना मिळाल्यानंतर छापा टाकण्यात आला. या कारवाईत तब्बल १७ जणांवर गुन्हे दाखल करण्यात आले आहेत. पोलिसांनी कारवाईदरम्यान एकूण ४ लाख ३६ हजार रुपयांचा मुद्देमाल जप्त केला आहे. यामध्ये सुमारे ९० हजार रुपये रोख रक्कम, मोबाईल फोन तसेच जुगार खेळण्यासाठी वापरली जाणारी वाहने जप्त करण्यात झाली आहेत.या जुगार अड्ड्यावर शेगाव तसेच संग्रामपूर तालुका येथील नागरिकांचा मोठा सहभाग असल्याचे प्राथमिक तपासात समोर आले आहे. पोलिसांच्या या कारवाईमुळे परिसरात एकच खळबळ उडाली असून पुढील तपास उरळ पोलीस करत आहेत.