अकोला के सराफा बाजार में दहशत फैलाने वाले आरोपी के खिलाफ पुलिस ने कड़ी कार्रवाई

अकोला शहरातील सराफा बाजारात धिंगाणा घालणाऱ्या एका इसमाविरुद्ध अखेर पोलिसांनी कडक कारवाई केली आहे. ५ मार्च रोजी घडलेल्या या प्रकारानंतर व्यापाऱ्यांमध्ये भीतीचे वातावरण निर्माण झाले होते. अकोला शहरातील गजबजलेल्या सराफा बाजारात एका इसमाने उभ्या वाहनांना लाथा मारत तसेच एका सराफा व्यवसायिकाला शिवीगाळ करत गोंधळ घातल्याची घटना घडली होती. या प्रकारामुळे परिसरातील व्यावसायिकांमध्ये प्रचंड दहशत निर्माण झाली होती. भीतीमुळे कोणीही समोर येऊन तक्रार देण्यास तयार नव्हते. मात्र, माध्यमांनी या घटनेला वाचा फोडल्यानंतर पोलिसांनी याची गंभीर दखल घेत कारवाई सुरू केली. सिटी कोतवाली पोलिसांनी सरकारतर्फे तक्रार दाखल करत सीसीटीव्ही फुटेजच्या आधारे आरोपीचा शोध घेतला आणि त्याला अटक केली.यानंतर नागरिकांच्या मनातील भीती दूर करण्यासाठी पोलिसांनी आरोपीला घटनास्थळी आणून पाहणी केली,तसेच संबंधित दुकानदाराची सर्वांसमोर माफी मागण्यास भाग पाडले. कोणत्याही प्रकारची दहशत निर्माण करणाऱ्या व्यक्तींना घाबरू नका. अशा घटना घडल्यास त्वरित पोलिसांकडे तक्रार द्या,असे आवाहन अकोला पोलिसांनी केले आहे.