रेलवे खनिज उत्खनन पर किसान यूनियन का प्रदर्शन, 52 स्थानों पर रोक की मांग

अकोला जिल्ह्यातील अकोट आणि तेल्हारा तालुक्यात रेल्वे विभागाकडून मोठ्या प्रमाणात गौण खनिजांचा उपसा होत असल्याचा गंभीर आरोप करत शेतकरी संघटनेने आंदोलन केलं. यावेळी आंदोलनकर्त्यांनी जिल्हाधिकाऱ्यांना निवेदन देत हा उपसा तात्काळ थांबवण्याची मागणी केली आहे. शेतकरी संघटनेच्या निवेदनात म्हटलं आहे की, रेल्वे कामासाठी मोठ्या प्रमाणात वाळू आणि गौण खनिजांचा उपसा केल्यामुळे स्थानिक पातळीवर या खनिजांचा तुटवडा निर्माण होत आहे. पंतप्रधान घरकुल आवास योजना तसेच अनुसूचित जातीसाठी असलेल्या रमाई आवास योजनेसाठी लागणारी वाळू नदी-नाल्यातून स्वस्त दरात उपलब्ध होते. मात्र रेल्वेच्या मोठ्या प्रमाणातील उत्खननामुळे वाळूचे दर वाढून या योजनांचा खर्च अवाजवी वाढणार असल्याचा आरोप संघटनेने केला आहे.अकोट आणि तेल्हारा तालुक्यातील ५२ ठिकाणी तसेच इतर नदी-नाल्यांमधील खनिज उपशावर तात्काळ बंदी घालावी, अशी मागणी या निवेदनात करण्यात आली आहे.अन्यथा तीव्र आंदोलन छेडण्याचा इशाराही संघटनेने दिला आहे.