एरंडा में दशहरे की पारंपरिक पालखी मिरवणूक भारी उत्साह के साथ संपन्न

अकोला जिल्ह्यातील बार्शीटाकळी तालुक्यातील एरंडा येथे दसऱ्याच्या दिवशी शतकानुशतके चालत आलेली पारंपरिक मिरवणुकीची परंपरा यंदाही मोठ्या उत्साहात साजरी करण्यात आली. जय भवानी नवदुर्गा उत्सव मंडळ एरंडा यांच्या वतीने हा सोहळा पार पडला. दसऱ्याच्या निमित्ताने गावातील भवानी मातेला पालखीतून रानामध्ये सोनं-चांदी आणण्यासाठी नेण्याची आगळीवेगळी परंपरा आहे. या पालखीच्या मिरवणुकीत संपूर्ण गावकरी मोठ्या संख्येने सहभागी झाले होते. ढोल-ताशाच्या गजरात, जय भवानी-जय दुर्गेच्या घोषणांनी संपूर्ण वातावरण दुमदुमून गेले. पालखी परत आल्यानंतर गावामध्ये जोत लावून भवानी मातेची मिरवणूक काढण्यात येते. विशेष म्हणजे, या जोतीतून प्रज्वलित करण्यात आलेल्या दोरीसह गावकरी पारंपरिक नृत्य करतात, ही प्रथा आजही कायम आहे. या सोहळ्यामुळे एरंडा गावात एकात्मतेचे, भक्तीचे आणि जल्लोषाचे अनोखे वातावरण निर्माण झाले होते.