कैप्टन अशोक खरात मामले में रंग, नार्को टेस्ट और मंत्रियों के नाम की मांग

कैप्टन अशोक खरात प्रकरणाला आता राजकीय रंग चढताना दिसत आहे. या प्रकरणी खरात याची नार्को टेस्ट करावी अशी मागणी राष्ट्रवादी काँग्रेस शरद पवार गटाचे प्रवक्ते फैजान मिर्झा यांनी केली आहे. या प्रकरणात राज्य महिला आयोगाच्या अध्यक्षा यांच्या राजीनाम्याचा निर्णय मुख्यमंत्री यांनी घेतल्याचे त्यांनी स्वागत केले आहे. मात्र या प्रकरणाची सखोल चौकशी न्यायालयीन पद्धतीने व्हावी आणि गरज पडल्यास कॅप्टन अशोक खरात तसेच त्याच्यासोबत ज्या नेत्यांचे फोटो समोर आले आहेत, त्या सर्वांचीही नार्को टेस्ट करण्यात यावी अशी मागणी त्यांनी केली आहे. तसेच शिवसेनेचे खासदार संजय राऊत यांनी केलेल्या वक्तव्याचा उल्लेख करत, खरात यांच्या संपर्कात ८ ते ९ मंत्री होते असा आरोप केला जात आहे. त्यामुळे त्या मंत्र्यांची नावे जनतेसमोर आणावीत, अशी मागणीही मिर्झा यांनी केली आहे. याचबरोबर मुंबईतील हॉटेल ट्रायडंट येथे कॅप्टन अशोक खरात राहत असल्याचं माहिती समोर आली असून त्या हॉटेलमधील वास्तविक्यासंदर्भातही चौकशी करण्यात यावी अशी मागणी त्यांनी केली आहे.