नगर परिषद महापौर आरक्षण की लॉटरी पर कांग्रेस हमला, सरकार पर मतचोरी आरोप

नगर परिषद आणि नगरपंचायतींच्या नगराध्यक्षपदाच्या आरक्षणाची सोडत आज मंत्रालयात काढण्यात येत आहे.भाजप आमदार माधुरी मिसाळ यांच्या उपस्थितीत लॉटरी पद्धतीने ही सोडत जाहीर केली जाणार आहे. स्थानिक स्वराज्य संस्थांच्या आगामी निवडणुकीसाठी ही सोडत अत्यंत महत्त्वाची मानली जात आहे.मात्र या निर्णयावरून काँग्रेसचे प्रदेशाध्यक्ष हर्षवर्धन सपकाळ यांनी राज्य सरकारवर जोरदार निशाणा साधला आहे. सरकारचा हा निर्णय म्हणजे मतचोरीसारखा प्रकार असल्याची अशी टीका त्यांनी केली. लोकांपासून चोरून आरक्षण काढलं जात असल्याचा आरोप त्यांनी केला आहे.सपकाळ पुढे म्हणाले, “आनंदाचा शिधा देताना यामागचा राजकीय हेतू स्पष्ट दिसून आला होता. हे सत्ताधारी सण आणि धर्मावरही राजकारण करत आहेत. हे सरकार शेतकरीविरोधी असून, फक्त कुणाला किती खोके द्यायचे आणि कुणाला मंत्री करायचे याचाच विचार करते,” अशी टीका त्यांनी केली.राज्यातील राजकीय समीकरणांवर बोलताना सपकाळ म्हणाले, “ठाकरे बंधू भेटत असतील, पण आम्ही महाविकास आघाडीत एकसंघ आहोत. मोदी आणि भाजपला सत्तेपासून दूर ठेवणं हेच आमचं प्रमुख धोरण आहे.