अकोला महापालिका: टिपू सुलतान नामांकन पर तूफान, शिवसेना फलक हटाने का आठ दिन अल्टिमेटम

अकोला महापालिकेतील स्थायी समिती सभागृहाला काही वर्षांपूर्वी टिपू सुलतान यांचं नाव देण्यात आलं होतं. मात्र या नामकरणावरून आता पुन्हा एकदा वाद पेटला आहे.शिवसेना (एकनाथ शिंदे गट) यांच्या वतीने आज महापालिका परिसरात आंदोलन करत हा फलक हटवण्याची मागणी करण्यात आली.आठ दिवसांच्या आत बोर्ड काढला नाही, तर आम्ही स्वतः तो हटवू, आणि कायदा-सुव्यवस्थेचा प्रश्न निर्माण झाल्यास त्याला महापालिका प्रशासन जबाबदार राहील, असा इशारा यावेळी देण्यात आला. सभागृहाला काही वर्षांपूर्वी टिपू सुलतान यांचे नाव देण्यात आले होते,त्या वेळीही या निर्णयावरून शहरात मतभेद निर्माण झाले होते.दरम्यान, आज शिवसेना शिंदे गटाच्या पदाधिकारी आणि कार्यकर्त्यांनी महापालिका मुख्यालयात दाखल होत जोरदार घोषणाबाजी केली. संबंधित फलक तात्काळ हटवावा, अशी मागणी त्यांनी केली.Aंदोलकांनी प्रशासनाला आठ दिवसांचा अल्टिमेटम दिला आहे. जर ठरलेल्या मुदतीत बोर्ड काढण्यात आला नाही, तर आम्ही आमच्या पद्धतीने तो हटवू, असा इशारा देण्यात आला.या पार्श्वभूमीवर शहरातील राजकीय वातावरण पुन्हा तापण्याची शक्यता व्यक्त केली जात आहे. कायदा व सुव्यवस्थेचा प्रश्न निर्माण होण्यासाठी प्रशासनाने तातडीने भूमिका स्पष्ट करावी, अशी मागणी आंदोलकांनी केली आहे.