अकोला में वाहन चोरी: सीसीटीवी फुटेज से चोरों की पूर्व नियोजन का खुलासा

अकोला शहरात वाहनचोरीच्या घटनांमध्ये वाढ होत असल्याचं चित्र दिसत आहे. खदान पोलीस स्टेशन हद्दीत येणाऱ्या सिंधी कॅम्प परिसरातून एका चारचाकी गाडीची अत्यंत शिताफीने चोरी करण्यात आली आहे. खदान परिसरातील घरासमोर उभी असलेली ही चारचाकी गाडी चोरट्यांनी काही मिनिटांतच लंपास केली. विशेष म्हणजे, ही संपूर्ण घटना परिसरातील सीसीटीव्ही कॅमेऱ्यात कैद झाली आहे. सुत्रांनी दिलेल्या माहितीनुसार चारचाकी गाडीतून आलेल्या चोरट्यांनी प्रथम गाडीचा काच फोडला , त्यानंतर त्यांनी लॅपटॉपच्या साहाय्याने गाडी सुरू केली आणि घटनास्थळावरून पसार झाले. सूत्रांनी दिलेल्या माहितीनुसार, या चोरट्यांनी यापूर्वी एका शोरूममधून चारचाकी गाडी चोरी केली. त्याच गाडीचा वापर करून त्यांनी ही दुसरी चोरी केल्याची माहिती समोर येत आहे. यामुळे ही चोरी पूर्वनियोजित असल्याचा संशय व्यक्त केला जात आहे. या प्रकरणी गाडी मालक नितीन नेभानी यांनी खदान पोलीस ठाण्यात तक्रार दाखल केली आहे. पोलिसांनी सीसीटीव्ही फुटेजच्या आधारे तपास सुरू केला असून आरोपींचा शोध घेतला जात आहे. पोलिसांनी रात्रीच्या गस्तीत वाढ करावी आणि वाहनधारकांनीही अधिक सतर्क राहण्याची गरज व्यक्त केली जात आहे.