अकोल्यावरून मलकापूर जा रही बस में 90 वर्षीय वृद्ध की मौत, अस्पताल पहुंचते ही निधन

अकोल्यावरून मलकापूरच्या दिशेने जाणाऱ्या एसटी बसमध्ये आज एक धक्कादायक घटना घडली. प्रवासादरम्यान अचानक एका वृद्ध प्रवाशाला भोवळ येऊन ते बसमध्येच कोसळले. या घटनेमुळे बसमधील प्रवाशांमध्ये एकच घबराट पसरली होती.दरम्यान, बस चालकाने प्रसंगावधान दाखवत बस थेट अकोळयातील शासकीय वैद्यकीय महाविद्यालय तथा रुग्णालयाच्या आवारात नेली. मात्र रुग्णालयात दाखल केल्यानंतर संबंधित वृद्धाचा उपचार होण्यापूर्वीच मृत्यू झाल्याचे समोर आले.मृत वृद्धाचे नाव एकनाथ तात्या पवार असून त्यांचे वय अंदाजे ९० वर्षे असल्याची माहिती मिळत आहे. डॉक्टरांनी तपासणी केल्यानंतर त्यांना मृत घोषित करण्यात आले. अचानक घडलेल्या या घटनेमुळे बसमधील प्रवासी हादरले होते, तर रुग्णालय प्रशासनाकडूनही हळहळ व्यक्त करण्यात येत आहे.