story slug - तळोज्यात १७ वर्षीय तरुणीचा खून; पोलिसांनी २४ तासांत आरोपीला गजाआड ftp slug - nm taloja crime shots- spot byet - acp reporter- swati naik navi mumbai Anchor : तळोजा फेज-२ येथील असावरी हाउसिंग सोसायटीत घडलेल्या धक्कादायक घटनेत १७ वर्षीय तमन्ना शेख हिची निर्घृण हत्या करण्यात आली. या प्रकरणातील आरोपीला तळोजा पोलिसांनी केवळ २४ तासांत अटक करून गजाआड केले आहे. अटक केलेल्या आरोपीचे नाव मोहम्मद अयुब शाहीद मिस्त्री (वय ४४, रा. उल्हासनगर, मूळ वेस्ट बंगाल) असे असून तो जीन्स तयार करणाऱ्या कारखान्यात काम करतो. विशेष म्हणजे तो मृत मुलीच्या आईच्या बहिणीचा पती आहे. दोन्ही कुटुंबांमध्ये आर्थिक वाद सुरू होता. याशिवाय आरोपीला आपला मुलगा आणि तमन्ना यांचा विवाह व्हावा अशी इच्छा होती. मात्र तमन्नाकडे बाहेरून प्रस्ताव येत असल्यामुळे ती नकार देईल, अशी शंका त्याला होती. , "आरोपी तमन्नाला समजावण्यासाठी गेला होता. पण त्यांच्यात वाद झाला. संतापाच्या भरात त्याने प्रथम कुकरने तिच्या डोक्यावर वार केला आणि नंतर धारदार शस्त्राने भोसकून तिची हत्या केली. बाईट - विक्रम कदम सहाय्यक पोलीस आयुक्त vo2- या गंभीर प्रकरणाचा तपास करण्यासाठी पोलिसांनी सहा पथके स्थापन केली होती — त्यात चार तपास पथके, एक स्पॉट तपास पथक आणि एक फॉरेन्सिक पथक समाविष्ट होते. तपासात बॉम्ब स्क्वॉड आणि फिंगरप्रिंट तज्ज्ञांचीही मदत घेण्यात आली. घटनास्थळी अनेक वरिष्ठ अधिकारी दाखल झाले होते. त्यात डीसीपी प्रशांत मोहिते (झोन-३, पनवेल), डीसीपी सचिन गुंजाळ (क्राइम ब्रांच, नवी मुंबई), एसीपी अजय लांडगे (क्राइम ब्रांच), एसीपी विक्रम कदम (खारघर विभाग), तसेच पोलीस निरीक्षक प्रवीण भगत, सागर निकम, एपीआय किशोर खडके, एपीआय विकास पाथाडे आणि वरिष्ठ पोलीस निरीक्षक नीलम पवार यांचा समावेश होता. आरोपीवर भारतीय दंड संहितेची कलम ३०२ आणि भारतीय न्याय संहिता कलम १०३(१) अंतर्गत गुन्हा दाखल करण्यात आला असून पुढील तपास सुरू आहे.