पालिका निवडणुकीचा राज्यातील महायुतीच्या प्रचाराचा नारळ नाशिक जिल्ह्यातून फोडला जाणारे. मुख्यमंत्री देवेंद्र फडणवीस यांची पहिली सभा दुपारी साडेबाराला त्र्यंबकेश्वर येथे होणार आहे. उपमुख्यमंत्री एकनाथ शिंदे यांची जिल्ह्यातील पहिली सभा नांदगावला होत आहे. पालिका निवडणुकीच्या निमित्ताने दोन्हीही एकाच दिवशी जिल्ह्यात येत असल्याने राजकीय वातावरण ढवळून निघणार आहे. त्र्यंबकेश्वर मध्ये कुंभमेळा असल्याने भाजपने इथे नगरपरिषद ताब्यात घेणे प्राधान्यक्रम ठेवला आहे यासाठी कुंभमेळ्या मंत्री गिरीश महाजन यांचे विशेष लक्ष येथील कामांवर आणि प्रचार कार्यावर आहे . नगराध्यक्ष पदाचे उमेदवार कैलास घुले यांना निवडून आणण्यासाठी आज अकरा वाजता सभा घेण्यात येणार आहे. मुख्यमंत्री फडणवीस हे प्रथमच त्र्यंबकेश्वर दौऱ्यावर येत असल्याने येथील आखाडा प्रमुखांसह साधू-महंतांनाही व्यासपीठावर येण्याचे निमंत्रण आहे.