Kop Road Issue Janhit Yachika कोल्हापूर शहरातील बिकट रस्त्यांच्या विरोधात कोल्हापुरातील सजग नागरिकांनी मुंबई उच्च न्यायालयाच्या कोल्हापूर सर्किट बेंच मध्ये जनहित याचिका दाखल केली आहे. या याचिकेवर आज सुनावणी होणार आहे. या सुनावणीकडे संपूर्ण कोल्हापूरकरांचे लक्ष लागून राहिले आहे. कोल्हापुर शहरातील रस्त्यांसाठी कोट्यावधी रुपये खर्च केले मग रस्ते गेले कुठे ? असा सवाल कोल्हापूरकरांचा आहे. शहरात काही ठिकाणी रस्ते झाले पण तेही रस्ते दर्जाहीन, अधिक उंचीचे, युटिलिटी सिफ्टिंग न करता झाले आहेत, शहरात धुळीचे साम्राज्य पसरले आहे या सर्व मुद्द्यांचा समावेश करून कोल्हापूरातील सजग नागरिकांनी जनहित याचिका दाखल केली आहे. या याचिकेवर कशा प्रकारची सुनावणी होते हे पहावं लागेल.