कोल्हापूर विमानतळा समोर तामगाव गावासाठी पर्यायी रस्त्याची मागणी करत आंदोलन केलेल्या तब्बल 300 हून अधिक आंदोलकांवर गुन्हे नोंद करण्यात आले आहेत. गोकुळ शिरगाव पोलिसात हा गुन्हा नोंद केला असून वाहतूक आणि सुरक्षतेच्या दृष्टीने अडथळा निर्माण केल्याप्रकरणी हा गुन्हा नोंद करण्यात आला आहे. तामगाव ग्रामस्थांनी उजळवाडी – तामगाव रस्ता बंद केल्याने विमानतळ प्रशासनाकडे आणि जिल्हा प्रशासनाकडे पर्याय रस्त्याची मागणी केली होती. पण वारंवार मागणी करून देखील रस्ता मिळाला नाही, त्यामुळे या ग्रामस्थांना विमानतळ प्रवेशद्वारावरच जोरदार आंदोलन करत विमानतळाकडे जाणारा मुख्य रस्ता पाऊण तासाहून अधिक काळ अडवला होता.