उन्हांच्या झळा प्रखर होताच जलसाठे आटण्यास सुरुवात अँकर नाशिक जिल्ह्यात उन्हाच्या झळा प्रखर होऊ लागल्या असून, सात दिवसांत जिल्ह्यातील एकूण उपयुक्त पाणीसाठा सहा टक्क्याने घटला आहे. शहराची तहान भागविणाऱ्या गंगापूर धरणात ३ हजार ४१२ दलघफूपर्यंत पाणीपातळी आली असून, ६० टक्के इतका जलसाठा शिल्लक राहिला आहे. तसेच मुकणे धरणात अद्याप ५ हजार २२१ दलघफूपर्यंत पाणीपातळी असल्याने ७२ टक्के इतका पाणीसाठा टिकून आहे...जिल्ह्यातील मोठे, मध्यम, लघुप्रकल्प असलेल्या विविध धरणांमधील एकूण उपयुक्त जलसाठा ६६.५४ टक्क्यांवर आला आहे. ४६ हजार ९९३ दलघफू इतका उपयुक्त पाणीसाठा शिल्लक आहे. गोदावरी खोऱ्यामध्ये गंगापूर, पालखेड समूहात लहान-मोठी १९ धरणे आहेत. तसेच गिरणा नदीच्या खोरे धरण समूहात सात धरणे आहेत. जिल्ह्यात अशी २६ लहान-मोठी धरणे आहेत. फेब्रुवारीच्या अखेरच्या आठवड्यापासूनच उन्हाच्या झळा तीव्र होण्यास सुरुवात झाली आहे. मार्च महिना उजाडताच अधिक प्रखरपणे ऊन जाणवू लागले आहे. यामुळे पुढील आठवड्यात जिल्हा प्रशासनाला संभाव्य पाणीटंचाईच्या दृष्टीने नियोजन करावे लागणार असून, टँकरच्या फेऱ्यांचेही समीकरण जुळवावे लागणार आहे.... गंगापूर धरण परिसरातून आढावा घेतलाय आमचे प्रतिनिधी सागर यांनी