भटक्या कुत्र्यांच्या वाढत्या उपद्रवांवर नियंत्रण ठेवण्यासाठी सर्वोच्च न्यायालयाने मार्गदर्शक सूचना दिल्या आहेत.. या सूचनेनुसार भटक्या कुत्र्यांना रस्त्यावर किंवा सार्वजनिक ठिकाणी कुठेही खायला घालता येणार नाही.. याची अंमलबजावणी कोल्हापूर महानगरपालिकेने सुरू केली आहे. सुप्रीम कोर्टाच्या मार्गदर्शक सूचनेनुसार भटक्या कुत्र्यांना सार्वजनिक ठिकाणी खाऊ घालता येणार नाही. खाऊ घालायचे असेल तर रीतसर अर्ज करून आहार क्षेत्राची निर्मिती करावी लागेल. कोल्हापूर महानगरपालिकेने सुप्रीम कोर्टाच्या मार्गदर्शक सूचनांचे पालन करायला केली सुरुवात. जाहिरात प्रसिद्ध करत आहार क्षेत्राची निर्मिती करू इच्छिणाऱ्याच्याकडून मागून घेतली माहिती. देशभरात भटक्या कुत्र्यांच्या चाव्या मध्ये मोठी वाढ होत आहे.. भटक्या कुत्र्यांच्या चाव्यामध्ये अनेकांना आपला जीव देखील गमवावा लागला आहे. त्यामुळेच सर्वोच्च न्यायालयाने भटक्या कुत्र्यांसंदर्भात नुकताच नव्या मार्गदर्शक सूचना दिल्या आहेत. त्यामुळे यापुढे ज्यांना ज्यांना भटक्या कुत्र्यांना खाऊ घालायचा असेल त्यांना या मार्गदर्शक सूचनांचे पालन करावे लागेल.. जर कोणाला कुत्र्यांना खाऊ घालायचंच असेल तर महानगरपालिकेची नियमानुसार परवानगी घ्यावी लागणार आहे. कोल्हापूर महानगरपालिका त्यासाठी नागरिकांच्या अर्जानुसार विशिष्ट भागात कुत्र्यांना खाऊ घालण्यासाठी ठिकाण निश्चित करणार आहे. दररोज अनेक श्वानप्रेमी भटक्या कुत्र्यांना जिथे शक्य आहे तिथे खाऊ घालतात.. पण या भटक्या कुत्र्यांच्यामुळे सार्वजनिक ठिकाणी फिरणे देखील मुश्किल झाले आहे. त्यामुळे सर्वोच्च न्यायालयाने मार्गदर्शक सूचना देत भटक्या कुत्र्यांना आवरण्यासाठी मार्गदर्शक सूचना पारित केल्या आहेत.