कोल्हापूरातील शाहू मिल हस्तांतरणाबाबत उद्योग मंत्री संजय सावकारे यांच्या प्रमुख उपस्थितीत मंत्रालयात बैठक होणार आहे. या बैठकीला कोल्हापूरचे पालकमंत्री प्रकाश आबिटकर, आमदार अमोल महाडिक उपस्थित असणार आहेत. शाहू मिलच्या जागेवर पुन्हा सूतगिरणीचे काम सुरू करा अशी मागणी कोल्हापूरातील सर्वपक्षीय समितीने केली आहे. शाहू महाराजांनी संस्थानकालात नागरिकांना रोजगार मिळावा यासाठी स्वतःच्या खर्चातून शाहू मिल सुरू केली. या मिलच्या माध्यमातून 1100 लोकांना रोजगार मिळत होता. पण कालंंतराने हे मिल बंद पडली. त्यानंतर या जागेवर शाहू महाराजांचे स्मारक व्हावे यासाठी अनेकांनी प्रयत्न केला. पण तेही न झाल्याने शाहू मिलच्या जागेवर पुन्हा पुन्हा सूतगिरणीचे काम सुरू करा अशी मागणी कोल्हापूरकर करत आहेत. या संदर्भात मंत्रालयात काय निर्णय होतो याकडे सर्व कोल्हापूरकरांचे लक्ष लागले आहे.