कोल्हापुरातील रस्त्यांची अवस्था अतिशय दयनीय झाली आहे. या रस्त्यांच्या अवस्थेच्या विरोधात कोल्हापुरात खड्ड्याचा बर्थडे साजरा करून अभिनव आंदोलन करण्यात आलं. शहरातील अनेक मार्गावरील खड्ड्यांमध्ये रोज अपघात होऊन अनेक जण जखमी होत आहेत. या रस्त्यांच्या दुरुस्तीसाठी आणि नवे रस्ते बांधण्यासाठी कोट्यावधी रुपयांचा निधी कोल्हापूर महानगरपालिकेला मिळत आहे. अस असताना कोल्हापूर महानगरपालिका या रस्त्यांची डागडुजी आणि नव्याने होणाऱ्या रस्त्यांचा दर्जा व्यवस्थित राखण्यात पूर्णतः अपयशी ठरले आहेत. त्यामुळेच कोल्हापुरातील शाहू सेनेच्या वतीने उद्योग भवन समोर अभिनव आंदोलन करत खड्ड्यांचा बर्थडे साजरा केला आहे. यावेळी आंदोलकांनी खड्या भोवती रांगोळी काढून खड्ड्यात केक ठेवला आणि हैपी बर्थडे खड्डे म्हणत खड्ड्याचा वाढदिवस साजरा केला. कोल्हापूर महानगरपालिकेने या आंदोलनाची दखल घेत तातडीने हे रस्ते सुधारावेत अन्यथा महानगरपालिकेतील अधिकाऱ्यांचा खड्डे बर्थडे साजरा करू असा इशारा ज्यावेळी आंदोलकांनी दिलाय.