Kop Mandlik On Mushrif Anc:- राजकीय विद्यापीठ अशी ओळख असणाऱ्या कोल्हापूर जिल्ह्यातील कागल मध्ये नगरपालिका निवडणुकीच्या तोंडावर मंत्री हसन मुश्रीफ आणि समरजीतसिह घाटगे एकत्र आल्यानंतर राजकीय समीकरणा बदली. पण या बदललेल्या समीकरणानंतर शिंदे गटाचे नेते माजी खासदार संजय मंडलिक गट चांगलाच आक्रमक झाला. मुरगुड नगरपालिकेत शिंदे गटाच्या उमेदवाराने नगराध्यक्ष पदाची निवडणूक जिंकल्यानंतर मंडलिक गटाने जोरदार जल्लोष केला. त्यानंतर प्रतिक्रिया देत असताना संजय मंडलिक यांनी हसन मुश्रीफांवर जोरदार टीका केली आहे. मंत्री हसन मुश्रीफ यांच्या बद्दल मला काहीच बोलायचं नाही.. कारण त्यांच्या विचारावर मी राजकारण करत नाही.. हसन मुश्रीफ हे काय हिटलर लागून गेले नाहीत.. मंत्री हसन मुश्रीफ यांच्या संदर्भात मला प्रश्न विचारू नका... मरू दे तिकडे... अशी खरमरीत टीका मंडलिकाने केली. राज्यामध्ये नगरपालिका निवडणुकीच्या निमित्ताने महायुतीच्या नेत्यांमध्येच मोठ्या प्रमाणात मतभेद ताणले गेले. अनेक ठिकाणचे मतभेद हवेत विरले देखील. पण कागल मध्ये मात्र वेगळा चित्र दिसतंय. याला आगामी जिल्हा परिषद निवडणुकीची किनार मानली जात आहे.