माजी आमदार सुभाष झांबड यांना सर्वोच्च न्यायालयात सशर्त जामीन मंजूर छत्रपती संभाजीनगर मधील अजिंठा अर्बन को-ऑपरेटिव्ह बँकेचे अध्यक्ष, काँग्रेस चे माजी आमदार सुभाष झांबड यांना सर्वोच्च न्यायालयाने  जामीन मंजूर केला आहे. न्यायालयाच्या अटी आणि शर्तीच्या अधीन राहून, तसेच सरकारी वकिलांचे म्हणणे ऐकून झांबड यांना जामिनावर सोडण्याचे निर्देश सर्वोच्च न्यायालयाने दिले आहेत. दोन गुन्ह्यांपैकी पहिल्या प्रकरणात सशर्त जामीन मंजूर करण्यात आला आहे. याचिकाकर्ता ७ फेब्रुवारी २०२५ पासून कोठडीत आहे. २६ सप्टेंबर २०२४ रोजी आरोपपत्र दाखल करण्यात आले आणि १ एप्रिल २०२५ रोजी पूरक आरोपपत्र देखील दाखल करण्यात आले. या गुन्ह्यातील सह-आरोपींना आधीच जामिनावर सोडण्यात आले आहे. खटल्यातील तथ्ये आणि परिस्थिती लक्षात घेता सर्वोच्च न्यायालयाने जामिनाचा आदेश दिला.