छत्रपती संभाजीनगरमध्ये आज एमआयएम ने जोरदार शक्ती प्रदर्शन केले आहे. पक्षाचे नेते इम्तियाज जलील हे मोठ्या संख्येने कार्यकर्त्यांना घेऊन हैदराबादच्या दिशेने रवाना झाले आहेत. या दौऱ्याचे मुख्य वैशिष्ट्य म्हणजे इम्तियाज जलील यांच्यासोबत एमआयएमचे सर्व नवनिर्वाचित नगरसेवकही हैदाबादला निघाले आहेत. महाराष्ट्रातील स्थानिक स्वराज्य संस्थांच्या निवडणुकांमध्ये एमआयएमला मिळालेल्या घवघवीत यशानंतर हे नगरसेवक आता पक्ष नेतृत्वाची भेट घेणार आहेत. एमआयएम नेते आणि सर्व नगरसेवक हैदराबाद येथील पक्षाचे मुख्यालय असलेल्या दारूसलाम येथे पोहोचतील. तिथे ते महाराष्ट्रातील विजयानिमित्त दारूसलाम डे साजरा करणार आहेत. हे यशाचे सेलिब्रेशन थेट पक्षप्रमुख असदुद्दीन ओवेसी यांच्या उपस्थितीत होणार आहे.